"Чылдың башкылары" илереттинген Печать
Рейтинг пользователей: / 0
ХудшийЛучший 
Автор: Меңги Ооржак   
26.04.2013 18:49

Барык бир ай иштинде үргүлчүлээн "Чылдың башкызы-2013" мөөрейниң түңнелдерин дүүн, апрель 25-те, С.Б.Пюрбю аттыг Улусчу чогаадылга төвүнге түңнээн. Кызыл хоорайның №12 школазының башкызы Лопсан Солангы Эресовна бирги чергениң дипломун чаалап ап, "2013 чылдың тыва дыл болгаш чогаал башкызы" болган. Бай-Тайга кожууннуң Шуй ортумак школазының башкызы Хертек Айланмаа Очуровна база Тес-Хем кожууннуң Ак-Эрик школазының башкызы Сады Урана Николаевна лауреаттар болган.

Оон аңгыда Туранның №2 школазының башкызы Суктар Анжела Байыр-ооловна "Мөөрейге чогаадыкчы чоруу дээш" база Монгуш Олча Александровна "Ёзу-чаңчылдарның кадагалакчызы"  деп номинацияларга төлептиг болганнар.

Мөөрейниң тиилекчилеринге база номинация алган башкыларга улуг байырывысты республиканың бүгү тыва дыл болгаш чогаал башкыларының мурнундан чедирип тур бис!  

 

Обновлено 26.04.2013 19:08